Platforma për të Drejtat e Njeriut

8.1 Të mbështetet rritja ekonomike për frymë në përputhje me kushtet kombëtare dhe, në veçanti, për vendet më pak të zhvilluara kjo rritje të jetë të paktën 7 % e prodhimit të brendshëm bruto në vit.

8.2 Të arrihen nivele më të larta të prodhimtarisë ekonomike përmes shumëllojshmërisë, përmirësimit teknologjik dhe risive, duke përfshirë fokusimin në rritjen e vlerës së shtuar dhe sektorët e punës intensive.

8.3 Të përkrahen politika të orientuara në zhvillim, që mbështetin aktivitetet prodhuese, krijimin e vendeve të denja të punës, sipërmarrjen, krijimtarinë dhe risitë dhe të nxitet formalizmi dhe rritja e ndërmarrjeve të vogla dhe të mesme, përfshirë edhe qasjes tek shërbimet financiare.

8.4 Të përmirësohet në mënyrë të vazhdueshme, deri në vitin 2030, eficienca e burimeve globale për konsum dhe prodhim dhe të synohet ndarja e rritjes ekonomike nga degradimi i mjedisit, në përputhje me kuadrin 10 vjeçar të programeve për konsumin dhe prodhimin e qëndrueshëm, ku vendet e zhvilluara marrin rolin udhëheqës në këtë proces

8.5 Deri në vitin 2030, të arrihet punësimi i plotë dhe produktiv dhe punë të denja për të gjithë gratë dhe burrat, përfshirë të rinjtë dhe personat me aftësi të kufizuar, si dhe pagesë të barabartë për punën me vlerë të njëjtë.

8.6 Deri në vitin 2020, të zvogëlohet ndjeshëm përqindja e të rinjve të papunë, të paarsimuar apo të patrajnuar.

8.7 Të merren masa të menjëhershme dhe efektive për të çrrënjosur punën e detyruar, për t’i dhënë fund skllavërisë moderne dhe trafikimit të qenieve njerëzore dhe të sigurohet ndalimi dhe eleminimi i formave më të këqija të punës së fëmijëve, përfshirë rekrutimin dhe përdorimin e fëmijëve si ushtarë, dhe deri në vitin 2025 t’i jepet fund punës së fëmijëve në të gjitha format e saj.

8.8 Të mbrohen të drejtat për punë dhe të mundësohen mjedise pune të sigurt për të gjithë punëtorët, përfshirë punëtorët emigrantë, e në veçanti gratë emigrante, dhe ata që punojnë në punë jo të sigurta

8.9 Deri në vitin 2030, të hartohen dhe të zbatohen politika për nxitjen e turizmit të qëndrueshëm, që krijon vende pune dhe përkrah kulturën dhe produktet vendase

8.10 Të forcohen kapacitetet e institucioneve financiare vendase për të nxitur dhe për të zgjeruar qasjen ndaj sektorit bankar, sigurimeve dhe shërbimeve financiare për të gjithë.

8.b Deri në vitin 2020, të zhvillohet dhe të funksionojë një strategji globale për punësimin e të rinjve dhe të zbatohet Pakti Global për Punësimin, i Organizatës Ndërkombëtare të Punës.