Objektivat për Zhvillim të Qëndrueshëm (OZHQ) në lidhje me të drejtat e njeriut
Caqet
Deri në vitin 2030, të eleminohet uria dhe të sigurohet e drejta e të gjithë njerëzve, në veçanti e të varfërve dhe e atyre që jetojnë në gjendje të vështirë, përfshirë foshnjat, për të patur ushqim të sigurt dhe të mjaftueshëm përgjatë gjithë vitit.
Treguesit
2.1.2
2.1.2 Prevalenca e pasigurisë ushqimore, mesatare apo e rëndë në popullatë, bazuar në Shkallën e Përvojës së Pasigurisë Ushqimore (FIES)
2.1.1
2.1.1 Prevalenca e mos ushqyeshmërisë
Deri në vitin 2030, të eleminohen të gjitha format e kequshqyerjes, përfshirë edhe arritjen, deri në 2025-ën, të treguesve të miratuar ndërkombëtarisht lidhur me frenimin e zhvillimit të fëmijëve nën 5 vjeç dhe të adresohen nevojat për ushqim të vajzave adoleshente, të grave shtatzëna dhe atyre që ushqejnë foshnjat me gji, si dhe të personave të moshuar.
Treguesit
2.2.1
2.2.1 Prevalenca e pengimit te rritjet dhe zhvillimi (lartësia për moshën <-2 devijimi standard nga mesatarja e Organizatës Botërore të Shëndetësisë (OBSH) Standardet e Rritjes së Fëmijëve) tek fëmijët nën moshën 5 vjeçare.
2.2.2
2.2.2 Prevalenca e kequshqyerjes (pesha për lartësi> +2 ose <-2 devijimi standard nga mesatarja e Standardeve të Rritjes së Fëmijëve sipas OBSH) tek fëmijët nën moshën 5 vjeçare, sipas llojit (dobësimit dhe mbipeshës)
Deri në vitin 2030, të dyfishohet prodhimi bujqësor dhe të ardhurat e prodhuesve ushqimorë në shkallë të vogël, veçanërisht e grave, popujve indigjenë, familjeve fermere, blegtorëve dhe peshkatarëve, përfshirë edhe përmes qasjes së sigurt dhe të barabartë tek toka, burimet e tjera prodhuese, njohuritë, shërbimet financiare, tregjet dhe mundësitë për shtimin e vlerës dhe punësimin jashtë sektorit bujqësor.
Treguesit
2.3.1
2.3.1 Vëllimi i prodhimit për njësi të punës sipas klasave të madhësisë së ndërmarrjeve bujqësore / baritore / pyjore
2.3.2
2.3.2 Të ardhurat mesatare të prodhuesve të ushqimit në shkallë të vogël, sipas gjinisë dhe statusit indigjen
Deri në vitin 2030, të sigurohen sisteme të qëndrueshme të prodhimit të ushqimit dhe të zbatohen praktika ripërtëritëse bujqësore që rrisin rendimentin dhe prodhimin, ndihmojnë në ruajtjen e ekosistemeve, forcojnë kapacitetin për përshtatjen ndaj ndryshimeve klimatike, motit ekstrem, thatësirave, përmbytjeve dhe fatkeqësive të tjera dhe që në mënyrë progresive përmirësojnë cilësinë e tokës bujqësore.
Treguesit
2.4.1
2.4.1 Përqindja e sipërfaqeve bujqësore sipas praktikave prodhuese bujqësoretë qëndrueshme
Deri në vitin 2020, të ruhet shumëllojshmëria gjenetike e farave, e bimëve të kultivuara dhe të rritura në ferma dhe e kafshëve të zbutura dhe llojet e tyre të egra, përfshirë dhe përmes menaxhimit në mënyrë korrekte dhe të shumëllojshme të bankave të farërave dhe bimëve në nivel kombëtar, rajonal dhe ndërkombëtar, dhe të përkrahet qasja për të patur dhe për të ndarë në mënyrë të barabartë dhe të drejtë përfitimet që lindin nga përdorimi i burimeve gjenetike dhe të shoqëruara me njohuri tradicionale, siç janë miratuar ndërkombëtarisht.
Treguesit
2.5.1
2.5.1 Numri i burimeve gjenetike bimore dhe shtazore për ushqim dhe bujqësi të siguruar në objektet e ruajtjes afatmesme ose afatgjata
2.5.2
2.5.2 Përqindja e racave lokale të klasifikuara si të rrezikuara, jo të rrezikuara ose në nivelin e panjohur të rrezikut të zhdukjes
2.a Të rriten investimet, përfshirë edhe përmes përmirësimit të bashkëpunimit ndërkombëtar, në infrastrukturën rurale, në kërkimet bujqësore dhe shërbimet shtesë, në zhvillimin e teknologjisë dhe të bankave gjenetike të bimëve dhe gjësë së gjallë, me qëllim përmirësimin e kapaciteteve bujqësore prodhuese në vendet në zhvillim, e në veçanti në vendet më pak të zhvilluara.
Treguesit
2.a.1
2.a.1 Indeksi i orientimit të bujqësisë për shpenzimet qeveritare
2.a.2
2.a.2 Rrjedhat totale zyrtare (ndihma zyrtare për zhvillimin dhe flukset e tjera zyrtare) për sektorin e bujqësisë
2.b Të korrigjohen dhe të parandalohen kufizimet tregtare dhe shtrembërimet në tregjet bujqësore në botë, përfshirë edhe përmes eleminimit paralel të të gjitha formave të subvencioneve të eksportit bujqësor dhe të të gjitha masave të eksportit me efekt të barazvlefshëm, në përputhje me mandatin e Programit të Zhvillimit Doha (Doha Development Round).
Treguesit
2.b.1
2.b.1 Vlerësimi i mbështetjes së prodhuesve
2.b.2
2.b.2 Subvencione bujqësore për eksport
2.c Të miratohen masat për të siguruar funksionimin e duhur të tregjeve të mallrave ushqimore dhe derivateve të tyre dhe për të lehtësuar marrjen në kohë të informacionit mbi tregun, përfshirë dhe informacionin për rezervat ushqimore, me qëllim që të ndihmohet në kufizimin maksimal të paqëndrueshmërisë së çmimeve në tregun ushqimor.
Treguesit
2.c.1
2.c.1 Treguesi i anomalive të çmimeve të ushqimit
1. Ky ligj përcakton objektivat, masat dhe programin e politikave të bujqësisë dhe të zhvillimit rural në bazë të Planit për Zhvillimin Rural dhe Bujqësor.
2. Më këtë ligj përcaktohen dispozitat për ofrimin e shërbimeve publike bujqësore, kërkimit dhe trajnimit profesional, bazën e të dhënave dhe informacionin në fushën e politikës bujqësore dhe të zhvillimit rural.
Neni 4 Objektivat e politikës bujqësore dhe të zhvillimit rural
1. Me masat për zbatimin e politikës bujqësore dhe të zhvillimit të zonave rurale, synohet të arrihen objektivat e përgjithshme:
1.1. konkurrenca në prodhimtarinë bujqësore dhe atë rurale, e cila rritë aftësinë e saj konkurruese si për tregun brenda, ashtu edhe për atë jashtë vendit, e cila mundësohet nëpërmjet rritjes së produktivitetit dhe të efikasitetit të veprmtarive ekonomike në zonat rurale;
1.2. rritja e të ardhurave për popullsinë rurale, duke ngritur mirëqenien e saj nëpërmjet përmirësimit të kushteve të punës dhe të jetesës, si dhe duke krijuar mundësi të barabarta për të gjitha grupet e margjinalizuara;
1.3 stabiliteti ekonomik, duke garantuar që prodhimi bujqësor të jetë i qëndrueshëm;
1.4. cilësia e prodhimeve të ushqimit duke garantuar që zinxhiri ushqimor është i një cilësie të qëndrueshme dhe i plotëson standardet e përcaktuara;
1.5. mbrojtja e qëndrueshme e mjedisit;
1.6. ndërlidhja e cila synon zvogëlimin e dallimeve ndërmjet niveleve të zhvillimit të rajoneve të ndryshme, duke zhvilluar aktivitete alternative dhe plotësuese që gjenerojnë punësim më qëllim të nxitjes për të jetuar në zonat rurale, duke fuqizuar biznesin e vogël dhe atë, të mesëm;
1.7. sigurimi i ushqimit që nuk shkakton efekte të dëmshme në shëndetin e njeriut nëse përgatitet dhe konsumohet sipas standardeve dhe kushteve të prodhimit.
1.8. përkujdesja që të ketë furnizim të qëndrueshëm në ushqim;
1.9. përkujdesja që të ketë furnizim për konsumatorët me çmime të arsyeshme.
Neni 5 Plani kombëtar i bujqësisë dhe zhvillimit rural
1. Plani kombëtar i bujqësisë dhe zhvillimit rural, përcakton objektivat e hollësishme afatmesme dhe veprimet e politikave të bujqësisë dhe zhvillimit rural.
2. Plani nga paragrafi 1 i këtij neni përmban:
2.1. strategjinë e bujqësisë dhe të zhvillimit rural i cili bazohet në analizën aktuale dhe objektivat afatmesme të politikës bujqësore dhe zhvillimit rural;
2.2. programet dhe veprimtaritë për përmbushjen e këtyre objektivave;
2.3. fondet publike të nevojshme të përdorura për zbatimin e politikave të bujqësisë dhe zhvillimit rural;
2.4. masat e nevojshme për monitorimin dhe vlerësimin e zbatimit të programit.
3. Plani kombëtar i bujqësisë dhe zhvillimit rural hartohet, nga Ministria në bashkëpunim me institucionet e tjera përkatëse.
4. Plani hartohet, nga Ministria aprovohet nga Kuvendi i Kosovës për një periudhë shtatë (7) vjeçare.