Platforma për të Drejtat e Njeriut

Deri në vitin 2025, të parandalohet dhe të zvogëlohet në mënyrë të ndjeshme ndotja detare e të gjitha llojeve, në mënyrë të veçantë nga aktivitetet tokësore, përfshirë mbetjet detare dhe ndotjen nga lëndët ushqyese.

Të rriten njohuritë shkencore, të zhvillohen kapacitetet kërkimore dhe të transferohet teknologjia detare, duke marrë parasysh Kriteret dhe Udhëzimet e Komisionit Ndërqeveritar Oqeanografik për Transferimin e Teknologjisë Detare, me qëllim përmirësimin e gjendjes së oqeanit dhe forcimin e ndikimit të biodiversitetit detar në zhvillimin e vendeve në zhvillim, e në veçanti të shteteve-ishuj të vegjël në zhvillim dhe të vendeve më pak të zhvilluara.

Për ndërmarrjet e vogla artizanale të peshkimit të sigurohet qasja në infrastrukturën detare dhe tregjet.

Deri në vitin 2020, të menaxhohen në mënyrë të qëndrueshme dhe të mbrohen ekosistemet detare dhe bregdetare për të shmangur ndikimet negative domethënëse, përfshirë përmes forcimit të aftësive ripërtëritëse, dhe të merren masa për rehabilitimin e tyre me qëllimin për të patur oqeane të shëndetshëm e produktivë.

Të minimizohen dhe të adresohen ndikimet e acidifikimit të oqeaneve, përfshirë edhe përmes rritjes së bashkëpunimit shkencor në të gjitha nivelet.

Deri në vitin 2020, të rregullohet në mënyrë efektive peshkimi dhe t’i jepet fund mbipeshkimit, peshkimit të paligjshëm, të paraportuar dhe të parregulluar dhe praktikave të dëmshme në peshkim dhe të zbatohen plane menaxhimi me bazë shkencore në mënyrë që të rekuperohen rezervat e peshqve për një kohë sa më të shkurtër të mundshme, të paktën në nivelin që të mund të arrihet prodhimtari maksimale e qëndrueshme, siç është përcaktuar prej karakteristikave të tyre biologjike.

Deri në vitin 2020, të mbrohen të paktën 10 % e zonave bregdetare dhe detare, në përputhje me ligjet kombëtare dhe ndërkombëtare dhe të bazuara në informacionin më të mirë shkencor të mundshëm.

Deri në vitin 2020, të ndalohen disa forma të subvencioneve në peshkim, të cilat ndikojnë në tejkalimin e kapacitetit dhe mbipeshkimin, të eleminohen subvencionet që ndikojnë në peshkimin e paligjshëm, të paraportuar dhe të parregullt dhe të frenohet futja e subvencioneve të reja të këtij lloji, duke pranuar që një trajtim i ndryshëm, i përshtatshëm, efektiv dhe i veçantë duhet të jetë pjesë përbërëse e negociatave të Organizatës Botërore të Tregëtisë për subvencionet e peshkimit për vendet në zhvillim dhe ato më pak të zhvilluara.

Deri në vitin 2030, të rriten përfitimet ekonomike nga përdorimi i qëndrueshëm i burimeve detare në shtetet-ishuj të vegjël në zhvillim dhe në vendet më pak të zhvilluara, përfshirë edhe përmes menaxhimit të qëndrueshëm të peshkimit, akuakulturës dhe turizmit.